2 November 2016 het die hand aan hand ons avontuur saam begin. Soveel ongelooflike herinneringe saam en soveel meer om te ervaar. Ons kan aande deur sit en gesels en saam lag. Die lekkerste ding om te doen na 'n dag se werk is om te sit en gesels oor ons dag, hoe die dag was, wat alles gebeur het.

Ons eerste vakansie saam was saam Christo se ma, pa, en sussie-hul, dit was die eerste keer wat ek Dom en Estie ontmoet het. Die vakansie het nie uitgedraai soos ons verwag het nie, oppad soontoe het ons op die radio gehoor daar is n weghardloop brande in Knysna en word ontruim. Vir twee weke was dit n warwoel van mense wat die brande probeer beheer, steeds was dit 'n onvergeetlike vakansie wat van die beste herinneringe saam het.

Drie van ons gunsteling goed om saam te doen is fietsry, hike en squash speel. Ons is altwee baie lief vir die natuur en daarom geniet ons dit om te gaan fietsry in die bos, al verdwaal ons soms is dit altyd vol lekker lag en die beste herinneringe. Die heel eerste keer wat ek gaan hike het was saam met Christo, ons 4, Christo, Morné, Monique en ek, dit was ons almal se eerste keer behalwe vir Christo wat al 'n paar keer van tevore gehike het. Na vele gekla van my kant af….. was dit een van die lekkerste naweke ooit! Ons het lekker gebond saam my boetie en skoonsussie en prentjie mooi natuur gesien. Die volgende keer se hike was ons n groep vriende, maar vir my het dit vele uitdagings ingehou, ek het my knieg erg seer gemaak paar maande voor dit maar wou nie uitmis op die fun nie. Na 'n bitter moeilike eerste dag se hike en vriende wat baie stadig saam ons geloop het, Christo wat alles gedoen het om dit vir my makliker te maak het die dag in trane geëindig. Ek het die beste boetie en skoonsussie in die wêreld, na 'n moeilike dag se stap het hulle terug gestap toe hulle die hut bereik het om te kom help. Morné het my sak gevat, Monique het nog water gebring en moed ingepraat, Christo het my die hele pad gehelp. Die res van die hike het Christo saam my gebly en ons het met die noodkar na die verskillende hutte gery en steeds die kuier baie geniet.

Om squash te speel in die aande is baie ontspannend. Reels is laag op die lys as ons saam speel en lag is baie hoog op die lys. Soms lag ons meer as wat ons speel. Daar is soveel meer wat ek kan vertel oor ons tyd saam.  Ons deel al soveel herinneringe saam en kan nie wag om nog seveel meer saam te hê nie. Sonder twyfel kan ek se ek kan nie wag om my lewenspad saam met my beste vriend te begin nie.